Shadesoul

Відэа ў тэлеграме уніана: тры шчанюкі, мілыя лапусікі, віляючы кароткімі хвосьцікамі, ядуць мерцьвяка (ад якога ўжо хіба шкілет застаўся). Напісана, што труп расейскі, але, там ужо й не разабраць...
Вусьцішна неяк, і што ў гэтых сабакаў будзе з псіхікай?
Ой, зямля-зямля...
Ніколі мне не падабаліся жарцікі пра чарназём.

Мяне не існуе.
Мяне не існуе.
Мне зноў і зноў кажуць, што мяне не існуе.
Бо я А, В і С, а А не існуе. В не існуе. С не існуе. Мяне няма-няма-няма.
Мяне зноў няма.
Я амаль не памятаю, што там былі за А, В і С. Не заўсёды памятаю апошняе І. Толькі вынік. Я часта помню толькі вынік, бо лянота ж памятаць спіс усіх гэтых А і Н, і ўсе ланцужкі ўсіх доказаў. Можа й была там дзе памылка? Ат не, варта толькі падумаць, што была, як мне ў чарговы раз кажуць, што мяне - не - існуе.